Tacikistan, Qırğızıstan və Özbəkistan vətəndaşları Rusiyaya qəbul edilmir

  Tacikistan, Qırğızıstan və Özbəkistan vətəndaşları Rusiyaya qəbul edilmir.

  Ötən həftədən etibarən Mərkəzi Asiya respublikalarının vətəndaşları Rusiya sərhəddində problem yaşayır. Hüquq müdafiəçisi Valentina Çulik izah edib ki, aprelin 24-dən bəri Tacikistan, Qırğızıstan və Özbəkistandan olanlar Rusiya hava limanlarında gözləyib və onların quru sərhədlərindən keçməsinə icazə verilməyib.

  Mayın 1-nə qədər Rusiyanın hava limanlarında təxminən 4500 insan toplanıb və bir o qədəri də quru sərhəd məntəqələrindən ölkəyə buraxılmayıb.

  Rusiya sərhədində saxlanılanların haradasa dörddə biri Tacikistan, digər dörddə biri Qırğızıstan, qalan yarısı isə Özbəkistan vətəndaşlarıdır.

  Rusiya gömrükçüləri baş örtülü qadınların, saqqallı, lakin bığsız kişilərin keçidini qəbul etmir.

  Bir-iki gün ərzində saxlanılan əşyaların çoxunu geri göndərilir. Bəzən geri göndərmə prosesi bir həftəyə qədər çəkir. İnsanlar yemək və su verilməməsindən, tualetə göndərilməməsindən, telefonlarının əlindən alınmasından və heç bir izahat verilməməsindən şikayətlənir.

  V.Çulikin sözlərinə görə, Orta Asiyalıların Rusiyadan göndərilməsi hallarında tarixi artım var. Hətta əvvəllər RF-də işləyənlər də giriş qadağası ilə üzləşə bilir.

  Xatırladaq ki, 2024-cü il aprelin 28-də Tacikistan Xarici İşlər Nazirliyi öz vətəndaşlarına yaxın vaxtlarda Rusiyaya səfər etməməyi məsləhət görüb. Ertəsi gün Rusiya hökumətinin taciklərə qarşı mənfi münasibətinə görə Rusiyanın Tacikistandakı səfirinə nota verilib.

  Qırğızıstan Xarici İşlər Nazirliyi də “vacib səbəbi” olmayan vətəndaşlarına sərhəd nəzarətinin artırılması ilə əlaqədar müvəqqəti olaraq Rusiyaya getməməyi tövsiyə edib.

  Qeyd edək ki, martın 25-də paytaxt Moskvada “Crocus Siti Holl”da törədilən terror aktından sonra Mərkəzi Asiya respublikaları, xüsusən də Tacikistanın vətəndaşları RF hüquq-mühafizə orqanlarının gərgin nəzarətinə məruz qalmağa başlayıb.