Bolqarıstanda keçirilən ümumi seçkinin rəsmi olmayan nəticəsi

Bolqarıstanda oktyabrın 2-də keçirilən ümumi seçkiləri, "exit-poll" nəticələrinə görə, keçmiş Baş nazir Boyko Borisovun partiyası, Avropalı İnkişafı Uğrunda Vətəndaşlar (GERB) birinci olaraq başa vurub.

Üzvlərinin əksəriyyəti türk və müsəlmanlardan ibarət olan Haqq və Azadlıq Hərəkatı partiyası parlamentdə üçüncü böyük güc olub. 

Qeyri-rəsmi nəticələrə görə, parlamentə daxil olmaq üçün ən azı 7 siyasi partiya və koalisiya 4 faizlik baryeri keçib, seçici fəallığı isə 35 faiz ətrafında qalıb.

"Alpha Research" ictimai rəy araşdırması şirkətinin açıqladığı "exit-poll"a əsaslanan ilkin nəticələrə görə, Bolqarıstanı 2021-ci ilə qədər təxminən 12 il idarə edən keçmiş baş nazirlərdən Boyko Borisovun rəhbərlik etdiyi GERB partiyası seçkilərdə 25,5 faiz səs toplayaraq birinci yeri tutub.

Dəyişikliyə Davam Et (PP) partiyası isə 19,9 faiz səslə 2-ci yerdə qərarlaşıb.

Son 1,5 ildə ümumi seçki üçün 4 dəfə səs verən seçicilər, 240 üzvlə 48-ci Məclisin deputatlarını təyin etmək üçün səs verib.

6 milyon 520 min əhalisi olan Bolqarıstanda ümumi seçkilərə qatılan 22 siyasi partiya və 6 koalisiya 5 min 334 namizəd irəli sürüb.