Yevropa Ittifoqi Rossiyaga qarshi sanksiyalar muddatini uzaytirdi
Ukrainaning hududiy yaxlitligi, suvereniteti va mustaqilligiga putur yetkazganlik uchun javobgarlikka tortilgan shaxslarga nisbatan qo'llanilgan cheklov choralari muddati 2023-yil 15-martgacha uzaytirilgani qayd etildi.
Yevropa Ittifoqi Rossiyaga qarshi individual sanksiyalar muddatini yana olti oyga uzaytirishga qaror qildi.
Yevropa Kengashidan berilgan yozma bayonotda, Ukrainaning hududiy yaxlitligi, suvereniteti va mustaqilligiga putur yetkazganlik uchun javobgarlikka tortilgan shaxslarga nisbatan qo'llanilgan cheklov choralari muddati 2023-yil 15-martgacha uzaytirilgani qayd etildi.
“Yevropa Ittifoqi Rossiyaning tinch aholi va fuqarolik infratuzilmasiga hujumlarini qat’iy qoralaydi hamda Rossiyani xalqaro tan olingan chegaralari doirasida Ukrainaning barcha hududidan qo‘shinlari va harbiy texnikalarini zudlik bilan va so‘zsiz olib chiqib ketishga chaqiradi”, deyiladi bayonotda.
Jami 1206 nafar jismoniy shaxs va 108 tashkilotga qaratilgan chora-tadbirlar jismoniy shaxslarning sayohatlariga cheklovlar, aktivlarni muzlatish va roʻyxatga olingan jismoniy va yuridik shaxslarga pul mablagʻlari yoki boshqa iqtisodiy resurslarni oʻtkazishni taqiqlashdan iborat.
Ma'lumot uchun, Yevropa Ittifoqi Rossiyaga qarshi sanksiyalar kiritish qarorini ilk bor 2014-yilda, Qrim anneksiya qilinganidan keyin qabul qilgandi.
Aloqador xabarlar
Afgʻonistonda namoz oʻqiyotganlarni nishonga olgan hujum uyushtirildi
Kecha Afgʻonistonda namoz oʻqiyotganlarni nishonga olgan qurolli hujum uyushtirildi.