Isroil Masjid-i Al-Aqsoning “Al-Asbat” eshigiga kamera joylashtirdi
Falastin davlat rahbari Mahmud Abbos Masjid-i Al-Aqsoning eshiklariga elektron datchiklar o’rnatilishiga ruhsat berilmasligini ma’lum qildi.
Isroil Masjid-i Al-Aqsoning “Al-Asbat” eshigiga kamera joylashtirdi.
Guvohlar ham buni tasdiqladi.
Ularning aytishicha, arslon haykali o’rnatilgan “Al-Asbat” eshigining tepasiga bir qancha kamera joylashtirilgan.
Bunga e’tiroz bildirgan Falastin davlat rahbari Mahmud Abbos Masjid-i Al-Aqsoning eshiklariga elektron datchiklar o’rnatilishiga ruhsat berilmasligini ma’lum qildi.
U bu haqda G’arbiy Sheriyaning Ramallah shahrida o’tkazilgan Falastin Olimlari forumida aytib o’tgan.
“Masjid-i Al-Aqsoning eshiklariga elektron datchiklar o’rnatilishiga ruhsat bermaymiz. Al-Aqsoni boshqarish bizning haqqimiz. Al-Aqsoni biz himoya qilishimiz, eshiklarida biz posbonlik qilishimiz kerak”,-deydi Mahmud Abbos forumda so’zlagan nutqida.
Xolbuki, Isroilning Kanal-2 telekanali Al-Aqso eshiklariga joylashtirilgan kamera va datchiklarni olib tashlash to’g’risida hukumat qarori chiqqanini ma’lum qilgandi.
Lekin, Al-Aqso eshiklariga qo’l datchiklari bilan tekshirib o’tkazadigan politsiya xodimlari joylashtirilishini xabar qildi.
Hatto, Quddus xavfsizlik boshqarmasi direktori Yoram Ha-Levy va Quddus hokimi Nir Berekat ham buni qo’llab quvvatlagani aytilgandi.