amérika dölet mudapie ministiri afghanistanda ziyarette boldi
amérika qoshma ishtatliri dölet mudapie ministiri jeyms mattis afghanistanda dölet ishliri ziyaritide boldi.
türkiye awazi radiyosi xewiri: melumatlargha qarighanda, ilgiri élan qilinghan ziyaret pirogrammisida bolmasliqida qarimay afghanistanda ziyarette bolghan mattis, paytext kabulda afghanistan pirézidénti eshref ghéni bilen körüshken.
amérika taratqulirining xewer qilishiche, mattisning afghanistan pirézidénti ghéni bilen élip barghan uchrishishida, taliban bilen dawamlishiwatqan söhbet musapisi toghruluq tepsiliy muzakire élip bérilghan, hemde ikki dölet otturisidiki hemkarliq mesilisi heqqide özara pikir almashturulghan.
yene bir tereptin, afghanistan pirézidénti eshref ghénining bayanatchisi ammiwi ortaqlishish tor béti Twitter sehipiside bu heqte élan qilghan bayanatida eskertishiche, mattis bilen ghénining uchrishishida, tinchliq musapisi, afghanistan dölet xewpsizlik küchlirini qaytidin tengshesh, yéqinlishiwatqan pirézidént saylimi, térrorizmgha qarshi küresh we pakistan bilen diyalog ötküzüsh qatarliq mesililer muzakire qilinghan.
igilinishiche, afghanistan ziyaritide mattisqa amérika qoshma ishtatliri bash ishtab bashliqi jozéf dunformu hemrah bolghan bolup, amérika qoshma ishtatlirining afghanistanda texminen 14 ming eskiri bar iken.
tramp hökümiti bultur afghanistangha qarita «yéngi istiratégiye» ni yolgha qoyidighanliqini jakarlighan, arqidinla bu döletke 3 ming zapas esker ewetkenidi.