michotaks türkiyege kélidu

türkiye awazi radiyosi xewiri: jumhur reis rejep tayyip erdoghanning teklipige binaen ishqa ashurulidighan bu qétimqi ziyaretning küntertipini iqtisad, qatnash, ilim-pen, téxnika, déhqanchiliq, sayahet, sehiye we ikki tereplik munasiwet qatarliq sahelerdiki hemkarliqni dawamlashturush mesililiri teshkil qilidu.

gherbiy trakyadiki türk az sanliqliri, rodos, istanköy we selaniktiki türk irqdashlargha munasiwetlik mesililer otturigha qoyulidighan söhbetler jeryanida, térrorluqqa qarshi turush we qanunsiz köchmenlikke ortaq taqabil turush saheliridiki hemkarliqlar muzakire qilinidu.

ziyaret dairiside yene, türkiyening rayon we xelqara tereqqiyatlar, bolupmu israiliye-pelestin mesilisidiki meydanini girétsiye terepke yetküzüshi kütülmekte.

girétsiye bash ministiri michtotaks ziyaritidin ilgiri «éliféros tipos géziti» ge bayanat bérip, jumhur reis erdoghan bilen körüshüshtiki meqsitining, ikki dölet otturisidiki özara menpeet yetküzüshni nishan qilghan yéqinlishish musapisining izchilliqigha kapaletlik qilish ikenlikini otturigha qoydi.

jumhur reis erdoghanning 7-dékabirda girétsiyede ötküzülgen yuqiri derijilik hemkarliq kéngishi yighini munasiwiti bilen girétsiyeni ziyaret qilishi, ikki dölet munasiwitide yéngi sehipe achqanidi.