دىيارباكىردا ئاپتوموبىل بومبا پارتلىدى

تۈركىيە ئاۋازى رادىيوسى خەۋىرى: دىيارباكىر ماردىن تاشيولى يېشىل ۋادە مەھەللىسىدە قوراللىق ساقچى قىسىم خادىملىرى ئولتۇرغان ئاپتوموبىل ئۆتۈۋاتقاندا پارتلاش يۈز بەردى.

ۋەقە مەلۇم قىلىنغاندىن كېيىن، نەق مەيدانغا نۇرغۇن سەھىيە خادىملىرى ۋە ساقچى خادىملىرى ئەۋەتىلدى. پارتلاشتا يارىلانغان سەككىز ساقچى خادىمى يېقىن ئەتراپتىكى دوختۇرخانىلارغا ئاپىرىلدى.

ئىچكى ئىشلار مىنىستىرى سۈلەيمان سويلۇ ۋەقەگە چېتىشلىق ئىككى گۇماندارنىڭ تۇتۇلغانلىقىنى بىلدۈردى.

يارىلانغان ساقچىلارنىڭ سالامەتلىك ئەھۋالىنىڭ ياخشى ئىكەنلىكى قەيت قىلىندى.