ئالمازبېك ئاتامبايېۋ 11 يىل 2 ئايلىق قاماق جازاسىغا ھۆكۈم قىلىندى
قىرغىزىستاندا جىنايەت تەشكىلاتىنىڭ رەھبىرى ئەزىز باتۇكايېۋنىڭ قويۇپ بېرىلىشىدە جاۋابكارلىقى بولغان سابىق پىرېزىدېنت ئالمازبېك ئاتامبايېۋ 11 يىل 2 ئايلىق قاماق جازاسىغا ھۆكۈم قىلىندى.
تۈركىيە ئاۋازى رادىيوسى خەۋىرى: پېرۋوماي رايونلۇق سوتنىڭ سودىيەسى ئەمىلبېك كايپوۋنىڭ رىياسەتچىلىكىدە ئېچىلغان سوتقا تۈرمىدىكى ئاتامبايېۋ ئېلىپ كېلىنمىدى، باشقا گۇماندارلار سوتقا چىقىرىلدى.
«چىرىكلىك تورى قۇرغانلىقى» ئۈچۈن قولغا ئېلىنغان ئاتامبايېۋ 11 يىل 2 ئايلىق قاماق جازاسىغا ھۆكۈم قىلىندى.
ئاتامبايېۋنىڭ مال - مۈلۈكلىرى مۇسادىرە قىلىنىشى ۋە بارلىق دۆلەت مۇكاپاتلىرىنىڭمۇ قايتۇرۇپ ئېلىنىشى ھۆكۈم قىلىندى.
قىرغىزىستاندىكى تۈرمىلەردە كۈچلۈك تەسىرى بىلەن تونۇلغان ۋە 16 يىللىق قاماق جازاسىغا ھۆكۈم قىلىنىپ، 8 يىلىنى تۈرمىدە تولدۇرۇپ بولغان ئەسلى چېچىنىيەلىك باتۇكايىۋنىڭ 2013 - يىلى ئاپرېلدا قويۇپ بېرىلىشى ھەمدە چېچىنىيەگە مەخسۇس ئايروپىلان بىلەن يولغا سېلىنىشى، خەلقنىڭ نارازىلىقىنى قوزغىغان ئىدى.
2011 – يىلىدىن 2017 – يىلىغىچە قىرغىزىستان پىرېزىدېنتى بولغان ئاتامبايېۋ 2019 - يىلى 8 - ئاۋغۇستتا ساقچىلار تەرىپىدىن قولغا ئېلىنغان ئىدى.
مۇناسىۋەتلىك خەۋەرلەر
ئىشغالىيەت ئاستىدىكى 4 يېزا – كەنت ئەزەربەيجانغا قايتۇرۇپ بېرىلدى
ئەرمېنىيەنىڭ گازاھ شەھىرىدە ئىشغالىيەت ئاستىدىكى 4 يېزا – كەنت ئەزەربەيجانغا قايتۇرۇپ بېرىلدى.