يالچىن توپچۇغا «تۈركىي خەلقلەر ئۈچۈن خىزمەت» مۇكاپاتى بېرىلدى

تۈركىيە ئاۋازى رادىيوسى خەۋىرى: گىرۇزىيە تۈركلىرى قۇرغان بورچالى جەمئىيىتى يالچىن توپچۇغا قىلغان خىزمەتلىرى سەۋەبىدىن «تۈركىي خەلقلەر ئۈچۈن خىزمەت» مۇكاپاتى بەردى. ئەزەربەيجان پايتەختى باكۇدا تۈرك دۇنياسىنىڭ ھەر قايسى جايلىرىدىن كەلگەن شۇنداقلا گىرۇزىيەدىن كەلگەن بىلىم، ئەدەبىيات-سەنئەت، سىياسەت ساھەسىدە ئالاھىدە تۆھپىسى بار كىشىلەرگە، مۇراسىم بىلەن مۇكاپات تارقىتىپ بېرىلدى.

يالچىن توپچۇ مۇكاپات تارقىتىش مۇراسىمىدا تېررورىزم ھەققىدە توختىلىپ، بىرلىك ۋە باراۋەرلىكنى تەكىتلىدى. ئۇ: «تېررورىزم يەر شارىلىشىۋاتىدۇ، دۇنيانى باشقۇرۇۋاتقان دۆلەتلەرنىڭ بېشىدىكىلەرگە شۇنى خىتاب قىلماقچىمەن: قولۇڭلار بىلەن تۇتۇپ تۇرۇۋاتقان ئويۇنچۇقلار نۆۋىتى كەلگەندە سىلەرگىمۇ زىيان بېرىدۇ. ئۇلارنى ئىتتىپاقلىشىپ يوق قىلىشىمىز لازىم. دۇنيا تىنچلىقى ئۈچۈن بىر بولۇپ ئىتتىپاقلىشىپ، ئىنسانىيەتكە ئادالەتنى ۋە بىخەتەرلىكنى ئېلىپ كېلىشىمىز لازىم» دېدى.