مالىدا ئىش تاشلاش جەريانىدا نۇرغۇن ئىشچى ئۆلدى

تۈركىيە ئاۋازى رادىيوسى خەۋىرى: «‹ News.abamako › خەۋەرلەر تورى» نىڭ خەۋەر قىلىشىچە، ئۇدا 11 ئايدىن بۇيان ئىش ھەققىنى ئالالمىغانلىقلىرى ئۈچۈن بۇلتۇر دېكابىردىن بېرى ئاچلىق ئېلان قىلىپ، ئىش تاشلىغان مالى تۆمۈر يول  ئىشچىلىرىدىن 8 ى ھاياتىدىن ئايرىلغان بولۇپ، ئىش تاشلاۋاتقان كۆپ ساندىكى ئىشچىنىڭ سالامەتلىك ئەھۋالى كۈنسېرى ناچارلىشىپ كەتكەنلىكتىن، دوختۇرخانىلاردا داۋالانماقتا ئىكەن.

يەنە بىر تەرەپتىن، مالىدىكى ئوقۇتقۇچىلار  ئۇيۇشمىلىرىمۇ 17 – مايغىچە ئىش تاشلاشنى داۋاملاشتۇرىدىغانلىقلىرىنى جاكارلىغان بولۇپ، ئوقۇتقۇچىلار تۇرالغۇ ياردىمى، دۆلەت مۇلازىمەتلىرىدىن بەھرىمەن بولۇش ئىشلىرىنىڭ قولايلاشتۇلۇپ بېرىلىشىنى تەلەپ قىلماقتا ئىكەن.