amérika - shimaliy koréye wekillirining washingtonda körüshidighanliqi ilgiri sürüldi
amérika paytexti washingtonda mushu hepte ichide shimaliy koréye we amérikiliq yuqiri derijilik emeldarlarning uchrishish ötküzüsh éhtimali barliqi bildürüldi.
türkiye awazi radiyosi xewiri: yonxap xewer agéntliqining bir diplomatik menbeni tayanch qilghan xewiride, amérika tashqi ishlar ministiri mayk pompéyo bilen shimaliy koréye emgekchiler partiyesi merkiziy komitétining muawin bashliqi kim yongcholning mushu hepte washingtonda körüshüshining kütülüwatqanliqi qeyt qilindi.
her ikki terepning yürturane körüshüsh istikining küchlük ikenlikini bildürgen mezkur menbe, uchrishishning 17 – 18 – yanwar künliri ishqa ashurulushining küchlük éhtimalliq ikenlikini bildürdi.
jenubiy koréyening chosun ilbo gézitimu, kim yongcholning peyshenbe küni ikki kün dawamlishidighan amérika ziyaritini bashlaydighanliqini yazdi.
bu heqte ne piyongyang, ne washington hazirghiche héchqandaq resmiy bayanat bermidi. pompéyo bilen shimaliy koréye emgekchiler partiyesi merkiziy komitétining muawin bashliqi kim yongcholning noyabir éyida nyu yorkta körüshüshi pilanliniwatatti. biraq, piyongyang dairiliri, amérika pirézidénti donald tramp bilen shimaliy koréye lidiri kim jongun arisidiki ikkinchi qétimliq uchrishishining orunlashturulushi we shimaliy koréyening yadro qoralliridin xaliylashturulushi mesililiri muzakire qilinidighan uchrishishni emeldin qaldurghanidi.
tramp bilen kim jongun 12 – iyunda singapurda körüshüp, shimaliy koréyening yadro qoralliridin xaliylashturulushi mesiliside birdeklik hasil qilghanidi.
مۇناسىۋەتلىك خەۋەرلەر
afghanistandiki kelkün apitide qaza qilghanlarning sani 300 din ashti
afghanistanning baghlan wilayitide yüz bergen kelkün apitide qaza qilghanlarning sani 300 din ashti.
