esed qisimliri we chomaqchiliri idlibke hujum qilishni dawamlashturmaqta

türkiye awazi radiyosi xewiri: süriyediki beshshar esed qisimliri bilen ularning qol chomaqchisi bolghan chet ellik térrorchi guruhlar, oq chiqirishni toxtitish üchün sochida kélishim hasil qilinghan bolsimu, yenila «idlibte toqunushni azaytish rayonliri»gha hujum qilmaqta.

beshshar esed qisimliri bilen ularning qol chomaqchisi bolghan chet ellik térrorchi guruhlar, «idlibte toqunushni azaytish rayonliri»gha jaylashqan we sochi kélishimnamisige asasen éghir tipliq qorallardin xaliy qilinishi kérek bolghan rayonlardiki yerlik xelqqe éghir tipliq qorallar bilen hujum qilip kelmekte.

beshshar esed qisimliri bilen ularning qol chomaqchisi bolghan chet ellik térrorchi guruhlar,bügün etigendin béri idlibning jenubigha jaylashqan jerjenaz, temaniye, suqeyq, um jelal, tel mennis, hish, babolin we qatra qatarliq yéza-qishlaqlargha top oqliri we rakétamiyot atqan.

hujumda qanche kishining ölüp qanche kishining yarilanghanliqi toghrisida éniq melumat bérilmidi.

bu yil 17-séntebirde hasil qilinghan sochi kélishimidin buyan, esed qisimlirining hujumlirida eng az 25 adem ölüp onlarche adem yarilandi.