albaniyede hökümetke qarshi namayish ötküzüldi
albaniyening paytexti tiranda sheherlik hökümetke qarshi namayish ötküzüldi.
türkiye awazi radiyosi xewiri: albaniyening paytexti tiranda berpa qilinidighan büyük muhit yoli layihesige qarshi namayish ötküzüldi.
mezkur layihe dairiside öyliri chéqip tashlinidighanlar tiran sheherlik hökümet binasi aldigha yighildi.
namayishchilar yighin ötküzüliwatqan sheherlik hökümet binasighimu mejburiy kirishke urundi.
saqchilar bilen namayishchilar otturisida jédel chiqti, jédel esnasida bir nechche amanliq saqlash xadimi yarilandi.
namayishchilar saqchilargha tuman bombisi, tuxum we yagh botulkiliri atti.
layihe seweblik qiyin ehwalgha chüshüp qalidighan albaniyelikler, muhit yoli layihesi dairiside öylirining chéqilish bedilige bérilidighan tölem puli üchün toluq kapalet bérilishini telep qilmaqta.
tiran büyük muhit yoli layihesi dairiside, yer xéti bolmighan yüzlerche binaningmu chéqilidighanliqi bildürülmekte.
tiran sheherlik hökümiti öyliri chéqilidighanlargha 3 yil öy ijrasi tölep béridighanliqini uqturdi.