kaméronda 13 bölgünchi öltürüldi

türkiye awazi radiyosi xewiri: kaméron armiyesi bilen anglofon (ingilizche sözlinidighan)rayondiki bölgünchi küchler otturisida toqunush yüz bérip 13 bölgünchi öltürüldi.

shimaliy-gherbiy herbiy qomandanliq ishtabi bashliqi général aga robinson, bölgünchilerning niwa shehiridiki pirézidéntliq mehkimisige qarashliq bir binagha hujum qilghanliqlirini éytti.

hujumda ikki ademning jénidin ayrilghanliqini éytqan robinson, rayongha zapas esker ewetilgenlikini bildürdi.

général robinson bölgünchilerning yézidiki 2 kishini élip qachqanliqini éytti.

hepte ichi kaméronning gherbiy jenubigha jaylashqan anglofon rayonida eskerler bilen bölgünchi küchler otturisida toqunush yüz bérip 10 bölgünchi öltürülgenidi.

kaméronda 7-öktebirde ötküzülgen pirézidéntliq saylimi sewebidin, kaméronning gherbiy jenubiy we gherbiy shimaliy rayonlirining weziyiti keskinliship ketti.

saylamda anglofon (ingilizche sözlinidighan)rayonlirigha orunlashturulghan saylam sanduqlirining %40ge bölgünchi küchlerning tehditi seweblik bélet tashlanmidi.

saylamdin buyan yüz bergen zorawnliq weqeliride bölgünchi we esker bolup jemiy 30 adem öldi.

bildürülüshiche, pirézidéntliq saylimining resmiy netijiliri bügün élan qilinidiken.

kaméron hökümiti anglofon (ingilizche sözlinidighan)rayonliridiki mektepler we mehkimelerge inglizche bilmeydighan oqutquchilar we sotchilarni teyinlishidin kéyin, rayonda namayishlar bash kötürdi.

bölgünchiler 2017-yili 1-öktebir sisku ayuk tabe rehberligide kumbo shehiride «ambazonya»namida dölet qurghanliqlirini jakarlighanidi.

üstide tutqush buyruqi chiqirilghan tabe, bu yil yanwarda nigériyede qolgha chüshürülüp kamérongha qayturup bérilgenidi.