amérika xitayning bir herbiy orgini we mesullirigha émbargo yürgüzdi
xitay, rusiye bilen herbiy munasiwiti bolghanliqi sewebidin amérikining xitayning bir herbiy orginigha we mesullirigha émbargo yürgüzüsh qarari maqullighanliqini eyibldi.
türkiye awazi radiyosi xewiri: xitay tashqi ishlar ministirliqi bayanatchisi ging shuang peytext béyjingda chaqirghan axbarat élan qilish yighinida, amérika hökümitining émbargo yürgüzüsh qarari üstide toxtilip, «amérikining mezkur mentiqsiz usullirigha qattiq ghezipimiz kelgenlikini bildürimiz» dédi.
amérikining émbargo qararining xelqaraliq qaide, ölchemlerni éghir derijide ayaq asti qilghanliqini ilgiri sürgen bayanachi ging shuang, bu qararning ikki dölet we ikki dölet armiyesi ottursidiki munasiwetlerge zor ziyan salghanliqini éytti.
ging shuang: «amérikini küchlük bir shekilde xatasini tüzütishke we atalmish émbargo qararini emeldin qaldurushqa chaqiriq qilimiz. eksiche bolghanda amérika buning aqiwitige berdashliq bérishke mejbur bolidu» dégen sözlerni ishletti.
amérika tashqi ishlar ministirliqi tünügün rusiye bilen herbiy munasiwetliri bolghanliqi sewebidin xitay dölet mudapie ministirliqigha qarashliq eslihelerni tereqqiy qildurush orginigha we mesullirigha émbargo yürgüzüsh qarari maqullighanliqini élan qilghan idi.
amérika xezine ishliri ministirliqi bilen birlikte élinghanliqi eskertilgen imbargo qarari, xitay dölet mudapie ministirliqigha qarashliq eslihelerni tereqqiy qildurush orgini ezalirining amérika ichidiki we amérikigha qarashliq rayonlardiki barliq maddiy resmiyetlirining toxtitip qoyulishini, amérika ichidiki mal – mülükliriningmu derhal tonglitip qoyulishini öz ichige alidu.
bu qarar yene, amérika bilen munasiwiti bolghan kishilerning we amérika puqralirining xitayning merkiziy armiye komitéti bilen soda alaqe qilishinimu meniy qilidu.
