tramp: yawropaning qollishigha éhtiyajimiz yoq

türkiye awazi radiyosi xewiri: donald tramp foks nyuz qanilining söhbet pirogrammisida bir soalgha jawab bérip, «ulargha méning dostlirim ikenliklirini éyttim, meyli émanuél (makron), meyli angéla (mérkél) yaki bashqilar bilen bolsun, yaxshi alaqem bar. bu kishilerni bekla yaqturimen. ulargha <pul tépishni dawmlashturunglar, araminglarni buzmanglar, bu jehette silerge éhtiyajimiz yoq> dédim» dégenlerni qeyt qildi.

donald tramp, amérikining iran bilen hasil qilinghan yadro kélishimidin hazirche chékinmeydighanliqini, biraq buning bir nachar kélishim bolup, iranni yadro pilanini dawamlashturush pursiti bilen teminligenlikini ilgiri sürgen halda, dölet mejlisige <yétersizliklerni bir terep qilish> toghrisida yolyoruq chüshürgenlikini, buning ünümi bolmighan teqdirde, bashqiche yol tutup kélishimge xatime bérilidighanliqini éytip agahlandurghanidi.

donald tramp söhbet jeryanida shimaliy koréye mesilisi toghrisidimu toxtilip, dölitining bu mesilide her xil özgirishlerge teyyar ikenlikini eskertti we sözini dawamlashturup, «biz her ishqa teyyarmiz. shundaq teyyarlanduqki, ishinelmeysiler. zörür tépilghanda, qanchilik teyyar ikenlikimizdin waqip bolup, endikip kétisiler. buni qilmasliq yaxshi bularmidi? shundaq. mushundaq ish bolamdu? kim bilidu...» dédi.