ہنگری نے بھی سویڈن کے حق میں ووٹ دے دیا

 ہنگری  کی پارلیمان نے نیٹو میں سویڈن  کی رکنیت منظور کر لی ہے ۔

 گزشتہ روز کی نشست میں  کی گئی رائے دہی کے نتیجے میں  اس کی حمایت میں 188 اور مخالفت میں 6 ووٹ پڑے جبکہ  چار ارکان غیر حاضر رہے ۔

اس طرح سے سویڈن کو نیٹو کی  رکنیت  ملنے کی راہ اب ہموار ہو چکی ہے۔

 سیکریٹری جنرل ژانز اسٹولٹن برگ نے ہنگیریئن پارلیمان کے اس فیصلے کا خیر مقدم کرتےہوئے سوشل میڈیا ایکس پر اپنی پوسٹ میں لکھا کہ سویڈن کی نیٹو میں شمولیت سے اتحاد مزید مستحکم بنے گا۔

واضح رہے کہ   سویڈن نیٹو کا 32 واں رکن ملک ہو گا۔