برطانیہ میں ڈاکٹروں کی تنخواہوں میں اضافے کے مطالبے کے ساتھ 5 ویں بار ہڑتال

برطانیہ بھر میں ہزاروں ڈاکٹروں نے تنخواہ اور کام کی شرائط میں بہتری کا مطالبہ کرتے ہوئے کل پانچویں دفعہ  ہڑتال کی ہے۔

ڈاکٹروں نے  فی گھنٹہ اجرت کو £14 سے بڑھا کر £20 کرنے کے مطالبے کے ساتھ وزارت خزانہ، وزیر اعظم کا دفتر اور وزیر اعظم رشی سوناک کی سرکاری رہائش گاہ واقع ہونے والی ڈاؤننگ سٹریٹ میں احتجاج کیا۔

بینرز اٹھانے اور نعرے لگانے والے ڈاکٹروں کا کہنا تھا کہ انہیں وہ تنخواہ نہیں مل رہی جس کے وہ حقدار تھے اور مذاکرات میں 5 فیصد تنخواہ میں اضافہ ناقابل قبول ہے۔

یہ اعلان کیا گیا ہے کہ آنے والے دنوں میں دیگر ہیلتھ ورکرز کی شرکت سے ہڑتال کو مزید وسعت دی جائے گی۔

برٹش میڈیکل ایسوسی ایشن سے وابستہ جنرل پریکٹیشنرز اس سے قبل مارچ، اپریل، جون اور جولائی میں احتجاجی مظاہرے کر چکے ہیں۔

ڈاکٹرز، جو 15 اگست تک اپنی ہڑتال جاری رکھنے کا ارادہ رکھتے ہیں،  وہ حکومت سے 35 فیصد اضافے اور تنخواہ میں ایڈجسٹمنٹ کا مطالبہ کررہے ہیں۔

دوسری جانب حکومت 5 فیصد اضافے اور 1500 پاؤنڈز کی پیشکش کر رہی ہے۔