اسپین کے جنوبی مشرقی علاقے بارشوں سے شدید متاثر

اسپین کے جنوب مشرق اور مشرق میں ہفتے کے آغاز سے ہی موسلادھار بارشوں نے سیلابی صورتحال پیدا کردی ہے۔

مرسیا، ویلنسیا، کاتالونیا اور آراگون میں شدید بارشوں کی وجہ سے کئی گھر اوردکانیں  زیر آب آگئے، درخت گرگئے، سڑکیں ٹوٹ گئیں اور گاڑیاں سیلابی پانی میں بہہ گئیں۔

فی مربع میٹر 140 لیٹر سے زیادہ بارش ہوئی، خاص طور پر ویلنسیا کے شہر کاستیلون میں اور اس کے آس پاس اورنج   الرٹ ہفتے کے آغاز سے نافذ کیا گیا ہے۔

مرسیا میں جہاں تعلیمی سرگرمیاں معطل  ہیں ، سیلابی پانی میں پھنسی گاڑیوں سے 15 افراد کو بچا لیا گیا۔

دارالحکومت میڈرڈ میں گزشتہ 12 گھنٹوں کے دوران فی مربع میٹر 100 لیٹر بارش گر گئی، ہنگامی امدادی ٹیموں نے   16 مقامات میں مداخلت کی۔

دوسری جانب اسپین میں مئی میں ریکارڈ بارشیں ریکارڈ کی گئیں جہاں مارچ اور اپریل میں اپنی تاریخ کی سب سے کم بارشیں ہوئیں۔