خارکیف کے بعض علاقے دوبارہ حاصل کر لیئے گئے ہیں:یوکرینی صدر
زیلنسکی نے سوشل میڈیا پر اپنے ایک ویڈیو پیغام میں یوکرین فوج کا شکریہ ادا کرتےہوئے بتایا کہ خارکیف سے ہمیں اچھی خبریں موصول ہو رہی ہیں
1877268
یوکرینی صدر ولودیمیر زیلنسکی نے بتایا ہے کہ خارکیف کے علاقے میں بعض علاقوں پر یوکرین کا دوبارہ قبضہ ہو چکا ہے ۔
زیلنسکی نے سوشل میڈیا پر اپنے ایک ویڈیو پیغام میں یوکرین فوج کا شکریہ ادا کرتےہوئے بتایا کہ خارکیف سے ہمیں اچھی خبریں موصول ہو رہی ہیں۔
یوکرینی صدر نے بتایا کہ اس وقت بعض علاقوں پر یوکرین کا پرچم دوبارہ لہرا دیا گیا ہے۔
دوسری جانب خبریں ملی ہیں کہ یوکرینی فوج نے خارکیف میں روسیوں کے خلاف حملے تیز کر دیئے ہیں۔
اس سلسلے میں بعض تصاویر بھی شائع کی گئی ہیں جن میں خارکیف کے ایک دیہات میں یوکرینی فوج کی طرف سے سابقہ سویت یونین کا پرچم اتارتےہوئے دیکھا جا سکتا ہے۔
یہ بھی دعوی کیا گیا ہے کہ یوکرینی فوج جنوب مشرقی خارکیف میں واقع ولو خوف نامی دیہات میں بھی داخل ہو چکی ہے۔