یوکیرینی رہنما کی جنگی محاذ پر فوجیوں سے ملاقات
روسی حملوں میں اپنی جانیں گنوانے والے یوکرینی فوجیوں کے لیے زیلنسکی نے ایک منٹ کی خاموشی اختیار کی
یوکیرین کے صدر ولا دیمر زیلنسکی نے یوکیرینی شہر خرکیف کے بعد زاپو ریشیا شہر کا دورہ کرتے ہوئے محاذ پر موجود فوجیوں سے ملاقات کی۔
زیلنسکی نے اس حوالے سے اپنے تحریری بیان میں کہا ہے کہ زاپوریشیا میں فوجیوں سے بات چیت کرنے کا موقع ملا ہے میں نے ان کی انتھک خدمات، عوام اور مملکت کے تحفظ پر دلی طور پر شکریہ ادا کیا ہے۔
انہوں نے روسی حملوں میں اپنی جانیں گنوانے والے یوکرینی فوجیوں کے لیے ایک منٹ کی خاموشی اختیار کی۔ اور ایک ڈسپنسری کا دورہ بھی کیا۔
روسی محاصرے کے بعد ماریوپول سے نکالے گئے شہریوں سے ملاقات کرتے ہوئے، زیلنسکی نے بے گھر ہونے والوں کی مناسب آباد کاری کے لیے کارروائی کرنے کا عندیہ دیا۔
انہوں نے کہا کہ "ہم واقعی اس مسئلے کو حل کرنے میں آپ کی مدد کرنے کی کوششوں میں مصروف ہیں۔"
خیال رہے یوکرینی رہنما نے 29 مئی کو روسی فوج کے حملوں سے سب سے زیادہ متاثر ہونے والے یوکرین کے شہر خرکیف کا دورہ کیا تھا اور اب یہ دوسری بار کیف سے باہر کسی دوسرے شہر گئے ہیں۔