جرمنی: ہم، سینیگال کے ساتھ تعاون کے خواہش مند ہیں

جرمنی کے چانسلر اولاف شُولز نے کہا ہے کہ ہم قابلِ تجدید انرجی کے شعبے میں سینیگال کے ساتھ تعاون کے خواہش مند ہیں۔

اولاف شُولز اپنے پہلے دورہ افریقہ  کے دوران سب سے پہلے سینیگال پہنچے ۔

سینیگال کے صدر میکی سال کے ساتھ مشترکہ پریس کانفرنس میں انہوں نے کہا ہے کہ ہم سینیگال کے قابل تجدید انرجی منصوبوں کے ساتھ دلچسپی رکھتے ہیں اور ہمارے خیال میں اس شعبے میں دونوں ممالک کے درمیان مشترکہ مفادات موجود ہیں۔

شُولز نے کہا ہے کہ ہم بحیثیت جرمنی یوکرین سے افریقہ کے لئے اناج  کی درآمد کے دوبارہ آغاز کے لئے ہر ممکنہ کوشش کریں گے۔

سینیگال کے صدر میکی سال نے بھی کہا ہے کہ ہم، سینیگال سے یورپی منڈی کے لئے لیکوِڈ گیس   LNGکی فراہمی کے لئے، کام کرنے پر تیار ہیں۔

سال نے کہا ہے کہ سینیگال کی LNG پیداوار آئندہ سال 2،5 ملین ٹن اور 2030 تک 10ملین ٹن تک پہنچ جائے گی۔ ہم جرمنی کے ساتھ اس شعبے میں بھی تعاون کرنے کے خواہش مند ہیں۔

انہوں نے ملک میں موجود جرمن کمپنیوں کی کاروائیوں کی تعریف کی اور کہا ہے کہ ہمارے  دروازے سب کے لئے کھُلے ہیں۔