پولینڈ: ملک میں موجود یوکرینی مہاجرین کی تعداد 2 لاکھ سے زائد ہے

روس اور یوکرین کے درمیان 24 فروری کو شروع ہونے والی جنگ کے آغاز سے اس وقت تک 2 لاکھ سے زائد یوکرینی مہاجرین پولینڈ پہنچ چکے ہیں۔

پولینڈ سرحدی سکیورٹی عملے نے سوشل میڈیا سے جاری کردہ بیان میں پولینڈ میں داخل ہونے والی یوکرینی مہاجرین کی تعداد کا اعلان کیا ہے۔

بیان کے مطابق جنگ کے آغاز سے لے کر اب تک یوکرین کے 21 لاکھ 14 ہزار شہری پولینڈ میں داخل ہو چکے ہیں۔

روسی حملوں سے جان بچا کر پولینڈ میں پناہ لینے والے ان مہاجرین کا ایک حصہ دیگر ممالک میں چلا گیا ہے۔

وارشووا یونیورسٹی کے شعبہ ہجرت کے پروفیسر ماجیج ڈزسک  نے خیال ظاہر کیا ہے کہ پولینڈ میں موجود یوکرینی باشندوں کی تعداد 1،2 ملین ہے۔

جنگ کے آغاز سے اب تک 2 لاکھ 50 ہزار سے زائد یوکرینی براستہ پولینڈ ملک واپس لوٹ گئے ہیں۔