فرانس اور جرمنی کا موریا کیمپ سے 400 بچوں کو پناہ دینے کا فیصلہ

یونانی جزیرے لیسبوس پر قائم پناہ گزینوں کے موریا کیمپ میں آگ لگنے کے نتیجے میں برلن اور پیرس حکومت نے وہاں کے چار سو بچوں کو اپنے ملک میں پناہ دینے کا اعلان کیا ہے۔

برلن میں جرمن چانسلر انگیلا میرکل نے یورپی یونین کے رکن ممالک پر بھی زور دیا کہ وہ بھی مشترکہ احساس ذمہ داری   کا مظاہرہ کرتے ہوئے نوعمر بچوں کو ملک میں پناہ دیں ۔

ہالینڈ کی جانب سے پہلے ہی آتشزدگی سے تباہ ہونے والے اس کیمپ کے ایک سو متاثرہ بچے اور  خاندانوں کو پناہ دینے کا اعلان کیا جاچکا ہے۔

یونان میں مہاجرین کے سب سے بڑے کیمپ موریا میں تین ہزار افراد کے رہنے کی گنجائش تھی جبکہ اس سے کئی گنا زیادہ مہاجرین کو وہاں رکھا گیا تھا۔

اس واقعے کے بعد ہزاروں مہاجرین دوبارہ بے گھر ہوگئے ہیں۔