فرانسیسی ماہرین نے ہائیڈروکسی کلوروکین دوا کا استعمال ممنوع قرار دے دیا

فرانس نے کووڈ انیس کے مریضوں پر ملیریا کی دوا ہائیڈروکسی کلوروکین کے استعمال کو روکنے کا اعلان کر دیا ہے۔ 
فرانسیسی حکومت کے نئے قواعد کے مطابق، ڈاکٹروں کو کووڈ انیس کے مریضوں پر مزید یہ دوا استعمال کرنے کی اجازت نہیں ہے۔
 دو فرانسیسی مشاورتی اداروں نے کہا ہے کہ ہائیڈروکسی کلوروکین کے استعمال سے صحت کو شدید خطرات لاحق ہو سکتے ہیں۔ 
واضح رہے کہ اس دوا کے صحت پر منفی اثرات جاننے کے باوجود امریکی صدر ٹرمپ کی طرح بعض عالمی رہنماؤں نے کورونا وائرس کی وبا کو روکنے کے لیے ہائیڈروکسی کلوروکین کے استعمال کی حمایت کی تھی۔