یورپی یونین کے درمیان سرحدوں کو کھولنا فی الحال ممکن نہیں

یورپی یونین   نے اطلاع دی ہے کہ سرحدوں کو مکمل طور پر کھولتے ہوئے سیر وسیاحت کے معمول پر آنا فی الحال نا ممکن ہے تاہم  موسم گرما کے لیے تیاریاں جاری ہیں۔

یورپی یونین کمیشن کے یومیہ پریس اجلاس سے خطاب کرنے والے ترجمان ایرک مامیر کا کہنا تھا کہ رکن ممالک کے  مابین سیر و سفر   کی پابندیوں میں نرمی لانے کے عمل کی ہم حمایت کرتے ہیں۔

یورپی یونین اس عمل کو معمول  پر لانے کے لیے ایک عمل درآمد شروع کرے گا، تا ہم، ہم فی الحال اس مرحلے پر نہیں پہنچ سکے۔

یورپی یونین موسمِ گرما سے متعلق عقل مندانہ حل پر کام کررہی ہے، اس حل کا تمام تر ممالک کے لیے موزوں ہونا اور  حالات کو مدِ نظر رکھنا لازمی ہو گا۔