یونانی جزیرے میدیلی میں مہاجرین سے ناروا سلوک

اپنے ملکوں میں جنگوں اور افراتفری کے ماحول سے راہ فرار اختیار کرتے ہوئے  یورپ جانے کے خواب کے ساتھ  یونانی جزیرے میدیلی پہنچنے والے مہاجرین  کا کہنا ہے کہ ان  کے سازو سامان کو یونانی ساحلی سیکورٹی اہلکاروں نے چھین لیا ہے۔

یونانی ساحلی  سیکورٹی اہلکاروں  کی جانب سے بروز جمعرات مولیووس بندر گاہ کو لیجائے جانے والے تقریباً 25 مہاجرین کو   گیلے ملبوسات کے ساتھ رات بسر کرنے پر  مجبور کیا گیا۔

ان کا کہنا ہے کہ یونانی پولیس نے ان سے نقدی اور  موبائل فون چھین لیے  ہیں۔

بہت کم مقدار میں کھانا  دیے جانے  کا ذکر کرنے والے ایک مہاجر کا کہنا ہے کہ "ہم نہیں جانتے کہ ہمیں کیا کرنا چاہیے، ہم آپس میں بات کرنے سے بھی خوف کھاتے ہیں، کیونکہ اس پر ہمیں سخت ردِ عمل کا سامنا کرنا پڑتا ہے۔  ہمارے ایک ساتھی کو کپتان سمجھ کر انہوں نے  بہت زود و کوب کیا جس کو کافی چوٹیں آئی ہیں۔