"یہ دوستی ہم نہیں توڑیں گے" جرمنی اور فرانس کا اعلان
جرمن چانسلر انگیلا مرکل اور فرانسیسی صدر ایمانویل ماکروں آج ایک معاہدے پر دستخط کر رہے ہیں جس کا مقصد یورپ کی ان دو سب سے بڑی طاقتوں کے درمیان دوستی کو نئی سطح تک لے جانا ہے
1130416
جرمن چانسلر انگیلا مرکل اور فرانسیسی صدر ایمانویل ماکروں آج ایک معاہدے پر دستخط کر رہے ہیں جس کا مقصد یورپ کی ان دو سب سے بڑی طاقتوں کے درمیان دوستی کو نئی سطح تک لے جانا اور دونوں ممالک کے عوام کی زندگیوں کو بہتر بنانا ہے۔
اس معاہدے پر دستخط جرمن شہر آخن میں ہوں گے جہاں ان دونوں ممالک کے درمیان طے پانے والے الیزے معاہدے کے 56 سال مکمل ہونے پر تقریب منعقد کی گئی ہے۔
22 جنوری 1963کو طے پانے والے الیزے معاہدے پر اُس وقت کے فرانسیسی صدر چارلس ڈیگال اور جرمن چانسلر کونراڈ آڈیناور نے دستخط کیے تھے جس کا مقصد ان سابقہ حریف ممالک کے درمیان دوستانہ تعلقات قائم کرنا تھے۔
