فرانس: صدر امانوئیل ماکرون کی پالیسیوں کے خلاف پولیس بھی سڑکوں پر نکل آئی

فرانس میں صدر امانوئیل ماکرون کی پالیسیوں کے خلاف سڑکوں پر نکلنے کا فیصلہ کرنے والے سیکٹروں میں پولیس بھی شامل ہو گئی ہے۔

سو سے زائد پولیس اہلکار دارالحکومت پیرس  کے 13 ویں ریجنل پولیس ڈائریکٹریٹ کی عمارت کے سامنے  جمع ہوئے اور احتجاجی مظاہرہ کیا۔

پولیس مظاہرین نے صدر ماکروان اور ان کی حکومت کی پالیسیوں پر تنقید کی اور کہا  کہ اوقات کار کی سخت شرائط اور مادی مسائل کی وجہ سے اب ان کا صبر جواب دے گیا ہے۔

پولیس کا کہنا تھا کہ وہ  اوقات کار کی طوالت  اور ہنگامی ڈیوٹیوں سے  اُچاٹ ہو چکے ہیں، دیر تک کام کرنے کی وجہ سے ان کی  کنبے کے ساتھ زندگی کا   یا ذاتی زندگی  کا کوئی وجود نہیں رہا۔

پولیس مظاہرین نے نئے پولیس اہلکاروں کی بھرتی کی بھی اپیل کی۔

مظاہرین میں سے 3 پولیس اہلکاروں نے سونے کے لباس پہن رکھے تھے اور انہوں نے عمارت کے سامنے رکھے ہوئے بستروں میں لیٹ کر احتجاج کیا۔

واضح رہے کہ فرانس  میں ماکرون  اور حکومت کی پالیسیوں  کے خلاف ردعمل کے اظہار کے لئے متعدد سیکٹروں کے ملازمین تقریباً 3 ماہ سے ہڑتالیں اور مظاہرے کر رہے ہیں۔