سویڈن: مسجد پر نامعلوم افراد کا حملہ،کھڑکیاں ٹوٹ گئیں
سویڈن کے جنوبی قصبے سافل میں واقع اسلامی مرکز ثقافت سے ملحقہ مسجد پر بعض نا معلوم افراد نے حملہ کر دیا جس میں مسجد کی کھڑکیاں ٹوٹ گئیں اور پھینکے گئے آتش گیر مواد سے مسجد کی دیواروں کو بھی نقصان پہنچا
875816
سویڈن کے جنوبی قصبے سافل میں واقع اسلامی مرکز ثقافت سے ملحقہ مسجد پر بعض نا معلوم افراد نے حملہ کر دیا ۔
اس واقعے میں مسجد کی کھڑکیاں ٹوٹ گئیں اور پھینکے گئے آتش گیر مواد سے مسجد کی دیواروں کو بھی نقصان پہنچا ۔
مرکز کے صدر عبدی حکیم آدان نے اس واقعے پر افسوس کا اظہار کرتےہوئے بتایا کہ اس مسجد میں ہر روز تقریباً 100 افراد نماز پڑھتے ہیں جسے مذہبی منافرت کا نشانہ بنایا گیا ہے ۔
پولیس نے واقعے کی تفتیش شروع کر دی ہے ۔
