کینیڈا کے شہری مہاجرین کا خیر مقدم کریں گے

کینیڈا کے وزیر اعظم جسٹن ٹروڈو نے کہا ہے کہ کینیڈا کے شہری جنگ سے بچ کر نکلنے والے مہاجرین کا خیر مقدم کریں گے۔

کینیڈا کے وزارت اعظمیٰ دفتر سے جاری کردہ بیان میں کہا گیا ہے کہ دوہری شہریت کے دائرہ کار میں  جن افراد کے پاس کینیڈا کی شہریت موجود ہے وہ امریکہ میں مہاجروں سے متعلق نئے اطلاق سے متاثر نہیں ہوں گے۔

وزیر اعظم جسٹن ٹروڈو نے بھی اپنے ٹویٹر پیج سے "کینیڈا میں خوش آمدید" کے ٹیگ کے ساتھ شئیر کردہ پیغام میں کہا ہے کہ "ظلم، جنگ اور دہشتگردی سے بچ کر نکلنے والوں کے عقائد خواہ کچھ بھی ہوں کینیڈا کے شہری انہیں خوش آمدید کہیں گے۔ فرق اور رنگا رنگی  ہماری طاقت ہے"۔