وکی لیکس کا نیا دھماکہ،جرمن اور امریکی ایجنسیوں کا بھانڈا پھوڑ دیا
وکی لیکس نے امریکی قومی سلامتی ایجنسی کی جرمنی میں جاری سرگرمیوں میں ملوث وفاقی پارلیمانی کے تحقیقاتی کمیشن کے بارے میں خفیہ دستاویز جاری کر دیئے ہیں
وکی لیکس نے امریکی قومی سلامتی ایجنسی کی جرمنی میں جاری سرگرمیوں میں ملوث وفاقی پارلیمانی کے تحقیقاتی کمیشن کے بارے میں خفیہ دستاویز جاری کر دیئے ہیں۔
بتایا گیا ہے کہ ان دستاویز کو وکی لیکس نے اپنی ویب سائٹ پر جاری کیا ہے جس میں جرمن اور امریکی خفیہ ایجنسیوں کے درمیان گٹھ جوڑ کا راز افشا٫ کیا گیا ہے ۔
دستاویز کی تعداد 2420 کے لگ بھگ ہے جن میں جرمنی کے بعض خفیہ اداروں کا تحریری مواد بھی شامل ہے۔
وفاقی پارلیمانی تحقیقاتی کمیشن کے صدر پیٹرک سینز برگ نے جرمن ٹی وی چینل ZDF سے گفتگو کے دوران اعتراف کیا کہ اس بارے میں خبریں مصدقہ ہیں جن کے اجرا سے عدم اعتماد اور بے چینی کی فضا پھیلے گی ۔
واضح رہے کہ وکی لیکس نے تقریباً ڈیڑھ سال قبل بھی این ایس اے سے متعلق کثیر تعداد میں خفیہ راز افشا٫ کیے تھے جن سے عالمی حلقوں میں ایک سنسنی پھیل گئی تھی۔