امریکی شہریوں کو یورپ کے سفر پر انتباہ
اعلامیہ میں امریکی شہریوں کو خاصکر میلوں، سرگرمیوں، کھلے بازاروں، ریستورانوں اور پبلک ٹرانسپورٹ پر سفر کے دوران احتیاط سے کام لینے کی تنبیہ کی گئی ہے
615572
متحدہ امریکہ نے اپنے شہریوں کو یورپ میں دہشت گرد حملوں کے احتمال کے پیش ِ نظر خبر دار کیا ہے۔
امریکی وزارت خارجہ کی جانب سے "یورپ کے سفر پر انتباہ" کے عنوان کے تحت جاری کردہ تحریری اعلامیہ میں واضح کیا گیا ہے کہ یورپ بھر میں خاصکر قریب آنے والے کرسمس اور سال نو کی تعطیلات کے دوران دہشت گرد حملوں کا احتمال پایا جاتا ہے۔
اعلامیہ میں امریکی شہریوں کو خاصکر میلوں، سرگرمیوں، کھلے بازاروں، ریستورانوں اور پبلک ٹرانسپورٹ پر سفر کے دوران احتیاط سے کام لینے کی تنبیہ کی گئی ہے۔
اعلامیہ کے مطابق یہ انتباہ 20 فروری سن 2017 تک جاری رہے گا۔
