ٹرمپ مخالف مظاہروں کا سلسلہ جرمنی تک پھیل گیا

جرمن دارالحکومت برلن میں نو منتخب  امریکی صدر ڈونلڈ ٹرمپ کے ناقدین کی جانب سے دو مظاہروں کی منصوبہ بندی کی گئی ہے۔

امریکہ میں بھی گزشتہ تین ایام سے ٹرمپ مخالف مظاہروں کا سلسلہ جاری ہے۔

منتظمین کے مطابق وہ ان مظاہروں سے ظاہر کرنا چاہتے ہیں کہ یورپ میں مقیم امریکی اپنے جرمن اور یورپی ساتھیوں کے ہمراہ امریکی داخلی صورت حال سے الگ نہیں ہیں۔

 اس بیان کے مطابق یہ افراد، امریکہ  میں ناانصافی، عدم برداشت اور عدم مساوات کو کسی صورت برداشت نہیں کریں گے۔