ویکی لیکس کے نئے انکشافات

وکی لیکس کی جانب سے خفیہ امریکی دستاویزات منظر عام پر لانے کا سلسلہ جاری ہے۔

اس ویب سائٹ نے جرمن چانسلر انگیلا مرکل کی چند ایسی ملاقاتوں کی تفصیلات جاری کی ہیں جن کی امریکی خفیہ ادارے این ایس اے نے نگرانی کی تھی۔

وکی لیکس کے تازہ ترین انکشافات کے مطابق این ایس اے نے جرمن چانسلر انگیلا مرکل اور اقوام متحدہ کے سیکرٹری جنرل بان کی مون کے مابین 2008 میں ہونے والی بات چیت سنی تھی۔

انکشاف کے مطابق بان کی مون نے اس دوران تحفظ ماحول کے لیے اقدامات اور یورپی رہنماوں کو ایک جگہ جمع کرنے کے حوالے سے مرکل کی کوششوں کی تعریف کی تھی۔

وکی لیکس کے مطابق اس دوران بان کی مون نے کہا تھا کہ یورپی یونین کی تائید کے بغیر اقوام متحدہ کے لیے پولینڈ میں ہونے والی کانفرنس میں فیصلہ سازی مشکل ہو جائے گی۔