امریکہ کیوبا پر پابندیوں کو ختم کرنے،فرانس

فرانس کے صدر فرانسواں اولاند نے امریکہ سے کیوبا پر عائد تجارتی پابندیوں کو ختم کرنے کا مطالبہ کیا ہے ۔

فرانس کا سرکاری دورہ کرنے والے کیوبا کے صدر راول کاسٹرو نے قصر ایلیزے میں صدر اولاند کیساتھ مشترکہ پریس کانفرنس منعقد کی ۔ صدر کاسٹرو نے کہا کہ امریکہ کیطرف سے کیوبا پر عائد پابندیوں کے خاتمے کے بارے میں فرانس کا موقف قابل تعریف ہے ۔ فرانس اسوقت کیوبا کو سب سے زیادہ قرضے دینے والے ممالک میں سے ایک ہے ۔ کیوبا کے ایک لیڈر پہلی بار فرانس کا دورہ کر رہے ہیں ۔ ان کے دورے کے دوران دونوں ممالک کے مابین اقتصادی ،تجارتی اور سیاحت کے شعبوں میں متعدد معاہدوں پر دستخط کیے گئے ۔