تاریخ میں آج کا دن 28
28/02/19
***28 فروری سن 1922 تاج برطانیہ نے مصر کی آزادی کا اعلان کر دیا ۔
4 صدیوں تک عثمانی حاکمیت کے زیر اثر مصر سن 1882 میں برطانوی سامراج کے تحت آگیا ۔40 سالہ اس دور تسلط کے بعد بالاخر 28 فروری سن 1922 کو برطانیہ نے اسے آزاد کرنے کا اعلان تو کردیا مگر اس کے بعد بھی اس کے نو آبادیاتی اثرات سن 1952 کے انقلاب تک جاری رہے ۔اسی سال مصر کا شاہی نظام ختم ہوا اور اس کی جگہ جمہوریت نے لےلی ۔
***28 فروری سن 1940 کے دن پہلی بار باسکٹ بال کا ایک مقابلہ براہ راست امریکہ میں ٹی وی پر پیش کیا گیا ۔ یہ مقابلہ فورڈ ہام اور پٹس برگ یونیورسٹیوں کے درمیان تھا ۔
*** سن 2015 آج کے دن ترک مصنف یاشار کمال انتقال کر گئے جنہیں نوبل انعام کےلیے بھی امیدوار نامزد کیا گیا تھا۔یاشار کمال نے کافی کم عمری میں ہی شاعری ، فن و ادب اور تحاریر کا آغازکر دیا تھا ، وقت گزرنے کے ساتھ ساتھ ان کا شمار ملک کے اہم اور بڑے مصنفین میں ہونے لگا ۔ان کی تصانیف کا کئی غیر ملکی زبانوں میں ترجمہ بھی ہو چکا ہے ۔
*** 28 فروری 1945 ترکی نے اقوام متحدہ کے قیام کی حمایت کا اعلان کیا ۔ ترک ناظم الامور اورہان ایرول کی طرف سے اس معاہدے پر دستخظ کیے گئے جس کے 8 ماہ بعد اقوام متحدہ کا قیام عمل میں لایا گیا ۔
یاد رہے کہ اقوام متحدہ کی تخلیق جنگ عظیم دوئم کے بعد ممالک کے درمیان عدم مفاہمت کو دور کرنے اور سلامتی کو ممکن بنانے کے لیے وجود میں لائی گئی تھی ۔