ترک تعاون اور رابطہ ایجنسی کی فلسطینوں کو امداد جاری

ترک تعاون اور رابطہ ایجنسی (TIKA) نے فلسطین کے مختلف شہروں میں پناہ گزین کیمپوں میں مقیم 1000 خاندانوں تک پہنچانے کے لیے رمضان فوڈ پیکجز فلسطینی وزارت برائے بنیاد اور مذہبی امور کو فراہم  کریے ہیں ۔

7 اکتوبر سے شروع ہونے والی غزہ کی جنگ کے بعد اسرائیلی مقبوضہ مغربی کنارے میں برسوں کی قبضے کی پالیسیوں کی وجہ سے سماجی و اقتصادی مشکلات میں اضافہ ہوتا جا رہا ہے۔

جنگ کے بعد بے روزگاری اور غربت میں اضافے کے علاوہ جنین، طلکریم، قلقیلیہ، توباس، نابلس اور رام اللہ جیسے شہروں اور خاص طور پر ان شہروں میں پناہ گزین کیمپوں پر دباؤ اور حملے بھی شدت اختیار کر رہے ہیں۔

تیکا  نے رمضان پیکجز جن میں بنیادی غذائی مصنوعات جیسے تیل، ٹماٹر کا پیسٹ، چاول، آٹا، پھلیاں، دال اور نوڈلز شامل ہیں فلسطینی وزارت بنیادوں اور مذہبی امور کو فراہم کیے جو مختلف شہروں میں پناہ گزین کیمپوں میں مقیم 1000 فلسطینی خاندانوں میں تقسیم کیے جائیں گے۔

اس کے علاوہ، رمضان امداد کے دائرہ کار میں، العماری پناہ گزین کیمپ، جو کہ حال ہی میں حملوں کا نشانہ بنا ہے  کا دورہ کیا گیا اور وہاں مقیم ضرورت مند خاندانوں میں کھانے کے پیکج تقسیم کیے گئے ہیں ۔