ترکیہ کے وزیر خارجہ کا یوکرین کے ساتھ اظہارِ تعزیت

ترکیہ کے وزیر خارجہ میولود چاوش اولو نے یوکرین کے دارالحکومت کیف کے جوار میں ہیلی کاپٹر حادثے میں 18 افراد کی ہلاکت پر یوکرین کے ساتھ اظہارِ تعزیت کیا ہے۔

چاوش اولو نے سرکاری ٹویٹر پیج سے انگریزی میں جاری کردہ  بیان میں کہا ہے کہ "یوکرین وزیرِداخلہ سمیت  متعدد جانوں کا نقصان ہوا ہے۔ مجھے کیف کے جوار میں بروویری کے علاقے میں پیش آنے والے ہیلی کاپٹر حادثے پر سخت افسوس ہوا ہے"۔

پیغام میں چاوش اولو نے اپنے یوکرینی ہم منصب  دمترو کولیبا کو بھی ٹیگ کیا اور کہا ہے کہ "میں اپنے عزیزوں سے محروم ہونے والے کنبوں اور تمام یوکرینی باشندوں کے ساتھ اظہارِ تعزیت کرتا اور زخمیوں کے لئے عاجل شفاء کا متمنی  ہوں"۔

واضح رہے کہ مذکورہ ہیلی کاپٹر حادثے میں یوکرین کے وزیر داخلہ ڈینس موناسٹرسکی اور ان کے معاون سمیت 18 افراد ہوگئے تھے۔

حادثے کے بارے میں جاری کردہ بیان میں یوکرین وزارت داخلہ کے مشیر آنتون گیراشینکو نے کہا تھا کہ اس بارے میں تحقیقات جاری ہیں کہ آیا  حادثہ کسی تکنیکی خرابی کا نتیجہ ہے یا پھر کوئی  سبوتاژ کا روائی ہے۔