ترکی نے ہر مشکل گھڑی میں انڈونیشیائی عوام کا ساتھ دیا ہے:ایردوان
سن 2004 کے سونامی کی یاد یں منعقدہ تقریب سے خطاب میں صدر نے کہا کہ دونوں ممالک کے درمیان میلوں کی مسافت کے باوجود انڈونیشیائی عوام کے مشکل حالات میں ہم ان کے ساتھ رہے ہیں
صدر رجب طیب ایردوان نے کہا ہے کہ فاصلوں کے باوجود ترکی نے انڈونیشیائی عوام کے مشکل حالات میں ساتھ دیا ہے۔
صدر ایردوان نے انڈونیشیا کے آچا نامی علاقے میں آنے والے سونامی کے نتیجے میں ہلاکتوں کی یاد کے سترہویں سال کی مناسبے سے ایک ویڈیو پیغام جاری کیا۔
صدر نے اپنے پیغام میں کہا کہ اس معنی خیز تقریب میں جسمانی طو رپر موجود نہیں ہوں البتہ اس میں ویڈیو پیغام کے ذریعے شرکت کرنا میرے لیے باعث فخر ہے ۔
انہوں نے کہاکہ میں سن 2004میں آنے والی اس المناک تباہی میں ہلاک ہونے والے افراد کے لیے اللہ سے مغرفت کا اور ان کے لواحقین کےلیے صبر کا طلبگار ہوں،ہم انڈونیشیائی برادر عوام کے ساتھ یک جہتی جاری رکھے ہوئے ہیں اور ان کے غم و خوشی میں برابر کے شریک ہیں۔
صدر نے کہا کہ دونوں ممالک کے درمیان میلوں کی مسافت کے باوجود انڈونیشیائی عوام کے مشکل حالات میں ہم ان کے ساتھ رہے ہیں،ہم نے اپنے تمام ممکنہ امکانات انڈونیشیا کی مدد کےلیے استعمال کیے ہیں جبکہ انڈونیشیا کی ترقی میں معاونت کے لیے ترکی نے اب تک 75 ملین ڈالر سے زیادہ کی مدد فراہم کی ہے۔