انقرہ میں پشاور کے شہدا کی یاد میں تقریب
ترکی کے علاقے کیچی اورین میں تقریب سے خطاب کرتے ہوئے، ترکی میں پاکستانی سفیر محمد سائرس سجادقاضی نے کہا: "یہ قتل عام ہماری تاریخ کے سب سے المناک واقعات میں سے ایک تھا جس نے ہر پاکستانی کو صدمے اور غم میں مبتلا کر دیا تھا۔"
ترکی کے دارالحکومت انقرہ میں پاکستان میں 2014 میں پشاور دہشت گردانہ حملے جس میں 140 افراد شہید جن میں اکثریت بچوں کی تھی کی یاد میں ایک تقریب کا اہتمام کیا گیا ۔
ترکی کے علاقے کیچی اورین میں تقریب سے خطاب کرتے ہوئے، ترکی میں پاکستانی سفیر محمد سائرس سجادقاضی نے کہا: "یہ قتل عام ہماری تاریخ کے سب سے المناک واقعات میں سے ایک تھا جس نے ہر پاکستانی کو صدمے اور غم میں مبتلا کر دیا تھا۔"
انہوں نے اس بات کا اعادہ کیا کہ بحیثیت قوم ہم عہد کرتے ہیں کہ آئندہ کبھی بھی ایسے سانحات رونما ہونے کی اجازت نہیں دیں گے۔
سفیر ِ پاکستان نےترک عوا م کا شکریہ اداکرتے ہوئے کہا کہ ترکی پہلا ملک ہے جس نے سب سے پہلےغم کی اس گھڑی میں پاکستان کے عوام کے ساتھ بھرپور یکجہتی کا اظہار کیا تھا۔"
اس تقریب میں کیچی اورین میونسپلٹی اور پاکستانی سفارتخانے کے حکام سمیت دیگر نے شرکت کی۔ کیچی اورین میں بلدیہ نے 140 شہد کی یاد میں 140 در خت لگا رکھے ہیں۔
سفیرِ پاکستان نے کہا کہ ہر شہید کی یاد میں ایک درخت لگانے سے غمزدہ خاندانوں اور پاکستانی قوم کے ساتھ غم کی اس گھڑی میں یکجہتی کا اظہار ہے۔ ان در ختوں سے ہمارے بچوں کی یاد کو ہمیشہ ترکوں اور ہمارے دلوں میں زندہ رہے گی۔
یاد رہے سن 2014 میں پاکستان کے شہر پشاور میں آرمی کے زیر انتظام اسکول پر حملے میں بچوں سمیت 140 افراد ہلاک ہوئے تھے۔ اس حملے کی ذمہ داری کالعدم عسکریت پسند تنظیم تحریک طالبان پاکستان نے قبول کی تھی۔