ترکی: صدر ایردوان سیلاب زدہ علاقے کے دورے پر
ہم اللہ کے فضل و کرم سے ان آفات پر قابو پا لیں گے۔ بحیثیت حکومت ہم سے جو کچھ بن پڑا کریں گے اور انشاء اللہ اس راکھ سے دوبارہ جنم لیں گے: صدر ایردوان
1690686
ترکی کے صدر رجب طیب ایردوان 11 اگست کو شدید بارشوں کی وجہ سے سیلاب سے متاثرہ مغربی بحیرہ اسود کے علاقے کاستامونو کی تحصیل بوزکرت کے دورے پر ہیں۔
دورے کے دوران جاری کردہ بیان میں علاقے کے سیلاب زدگان کو مخاطب کرتے ہوئے انہوں نے کہا ہے کہ آپ کے نقصان کو جلد از جلد پورا کیا جائے گا۔
انہوں نے کہا ہے کہ ہم اللہ کے فضل و کرم سے ان آفات پر قابو پا لیں گے۔ بحیثیت حکومت ہم سے جو کچھ بن پڑا کریں گے اور انشاء اللہ اس راکھ سے دوبارہ جنم لیں گے۔
صدر ایردوان نے کہا ہے کہ اس ملت نے کبھی بھی حوصلہ نہیں ہارا اور اب بھی نہیں ہارے گی۔ ہم انشاء اللہ جلد از جلد سارے نقصان کا ازالہ کرنے کی کوششوں میں ہیں۔