ترک صدر کی شمالی قبرصی ترک جمہوریہ کے صدر سے ٹیلی فون پر بات چیت

صدر رجب طیب ایردوان نے شمالی قبرصی ترک جمہوریہ  کے صدر ایرسن تاتار سے ٹیلی فون پر بات چیت کی۔

شمالی قبرصی ترک جمہوریہ کے ایوان ِ صدر سے جاری کردہ  اعلامیہ کے مطابق  صدر ایردوان  نے جناب تاتار کو ماہ رجب کی مبارکباد پیش کی۔

دونوں سربراہان نے اس بات چیت میں مسئلہ قبرص کی تازہ صورتحال  سمیت کورونا وبا اور ویکسین کے معاملات پر غور کیا۔

ترک صدر نے اس موقع پر کہا کہ  قبرصی ترک عوام  کورونا وبا کے خلاف جنگ میں تنہا نہیں ہیں، ہم  ہمیشہ کی طرح ہر ممکنہ تعاون کو اس معاملے میں بھی فراہم کریں گے۔

جناب تاتار نے بھی اس دوران کہا کہ ہمیشہ کی طرح اب کے بعد بھی جمہوریہ ترکی کے ساتھ ہمارے قریبی اور فائدہ مند تعلقات آئندہ بھی جاری رہیں گے، میں قبرصی عوام کے نام پر صدر رجب طیب ایردوان کا مشکور و ممنون ہوں۔