شمالی قبرصی ترک جمہوریہ  کے صدر ایرسین تاتار ترکی کے دورے پر

شمالی قبرصی ترک جمہوریہ  کے صدر ایرسین تاتار  اپنی  نئی  ذمہ داری سنبھالنے کے بعد پہلی  بار  ترکی کے دورے  پر تشریف لائے ہیں۔

 صدر رجب طیب ایردوان کی دعوت پردارالحکومت انقرہ  پہنچنے والے    صدر  تاتار نے سب سے پہلے جمہوریہ ترکی کے بانی   غازی مصطفےٰ کمال  اتاترک کے مزار  پر حاضری دی   ۔

صدر تاتار اور ان کے ہمراہی وفد نے  شیروالی سڑک پر پیدل چلتے  ہوئے اتاترک کے مقبرے پر رسائی حاصل کی۔

صدر تاتار نے مزار پر پھول چڑھائے ، ایک منٹ کی خاموشی کے بعد مزار اتاترک میں رکھی گئی وزٹنگ بک میں اپنے تاثرات کو قلمبند کیا۔

صدر تاتا ر کے صدارتی کمپلیکس  میں صدر ایردوان کی جانب سے شرف ملاقات بخشنے کی توقع کی جا رہی ہے۔

دونوں رہنما وں کے مذاکرات کے بعد پریس ریلیز  جاری کیے جانے کی بھی توقع کی جا رہی ہے۔