اب کے بعد کوئی بھی چیز ماضی کی طرح نہیں رہے گی، صدارتی ترجمان

صدارتی ترجمان ابراہیم قالن  نے کورونا کے خلاف جدوجہد سے متعلق  گھروں سے باہر نہ نکلنے کی اہمیت پر زور دینے  والا ایک پیغام جاری کیا ہے۔

قالن  نے سماجی رابطو ں کی ویب سائٹ ٹویٹر پر اپنی شیئرنگ میں  لکھا ہے کہ ہم  اس وقت ایک انتہائی نازک دور سے گزر رہے  ہیں، اب کوئی بھی چیز ماضی کی طرح  نہیں ہو گی۔

اس طوفان سے نجات پانے ، وبا کو روکنے کے لیے باہمی تعاون کی اپیل کرنے والے قالن  کا کہنا تھا کہ آئیے ہم سب مل کر  وائرس  سے زیادہ عقل مند اور طاقتور ہونے کا ثبوت پیش کرتے ہیں، اپنا اور ارد گرد کے لوگوں کا خیال رکھیں ، گھروں میں قیام کو ترجیح دیں۔

مشیرِ اطلاعات فخرالدین آلتون نے بھی  ٹویٹر پیغام میں  کورونا کے خلاف اٹھائی جانے والی تدابیر  کے حوالے لیے گئے اہم فیصلوں سے آگاہی کراتے ہوئے کہا ہے کہ  ترکی میں کورونا  وائرس میں مبتلا پہلے مریض کی نشاندہی کے بعد سے ترکی کی  اس کے خلاف بھر پور جنگ جاری ہے۔