ترکی کاقازقستان سے طیارے کے حادثے پر تعزیت کا اطۃار

ترکی نے قازقستان کے شہر آلماتی میں طیارے کے حادثے میں  جان بحق ہونے والے افراد کے لئے تعزیت کا اظہار کیاہے۔

وزارت خارجہ  کی جانب سے جاری کردہ تحریر ی بیان میں آلماتی- نور سلطان کے درمیان پرواز کرنے والے مسافر بردار طیارے کےپرواز کے تھوڑی دیر بعد ہی گر کر تباہ ہونے   کے حادثے میں ہلاکتوں پر دکھ اور افسوس کا اظہار کیا ہے۔  

تحریر ی بیان میں کہا گیا ہے   کہ اس المناک حادثے کے نتیجے میں  دوست اور برادر ملک قازقستان کے عوام   کے دکھ اور درد میں ہم برابر کے شریک ہیں ۔ ہم  اس حادثے میں جان  بحق ہونے والے  افراد کے  اہل خانہ سے تعزیت کرتے ہیں  اورزخمی افراد کی صحت یابی کی تمنا کرتے ہیں۔  

قازقستان کی وزارت صحت کی جانب سے  جاری کردہ  بیان میں اس حادثے کے نتیجے میں 12 افراد کے ہلاک اور 53 افراد زخمی ہو نے سے آگاہ کیا گیا ہے۔

قازقستان کے نائب وزیر اعظم رومان سکلیئر نے کہا کہ ایسا لگتا ہے کہ یہ حادثہ "پائلٹ کی غلطی  یا تکنیکی خرابی" کی وجہ سے پیش آیا ہے۔

قازقستان کی وزارت ایمرجنسی  نے آلماتی  میں فوکر  100 قسم کے مسافر بردار  طیارےکے پرواز کرنے کے دوران  گر کر تباہ ہونے   اور طیارے میں   93 مسافروں اور عملے کے 5 ارکان کے سوار ہونے  کی اطلاع دی تھی۔