صدر ایردوان نے بلدیہ مئیر امیدواروں کا اعلان کر دیا

ترکی کے صدر رجب طیب ایردوان  نے استنبول خلیج کنوینشن سینٹر  میں منعقدہ جسٹس اینڈ ڈویلپمنٹ پارٹی  کے بلدیہ مئیر امیدواروں کے تعارفی اجلاس میں پارٹی کے 40 اضلاع  کے بلدیہ مئیر امیدواروں کا اعلان کر دیا ہے لیکن انقرہ، استنبول اور ازمیر کے بلدیہ مئیر امیدواروں کے ناموں کا اعلان نہیں کیا۔

 انہوں نے کہا ہے کہ ہم آئندہ مہینوں میں تمام امیدواروں کے ناموں کا اعلان کرنے کے بعد انتخابی منشور بھی عوام کے سامنے پیش کر دیں گے۔

صدر رجب طیب ایردوان نے تینوں بڑے شہروں میں امیدوار کھڑے نہ کر کے جسٹس اینڈ ڈویلپمنٹ پارٹی  کے ساتھ تعاون  کا اعلان کرنے پر نیشنلسٹ موومنٹ پارٹی کے چئیر مین دیولت باہچے لی کا بھی شکریہ ادا کیا۔

دیولت باہچے لی نے کل جاری کردہ بیان میں کہا تھا کہ ہم انقرہ ، استنبول اور ازمیر میں امیدوار کھڑے نہیں کریں گے۔ ان اضلاع میں ہم جسٹس اینڈ ڈویلپمنٹ پارٹی کے امیدواروں کے ساتھ تعاون کریں گے۔

واضح رہے کہ مقامی انتخابات کا انعقاد 31 مارچ 2019 کو ہو گا۔