ہم یہاں دنیا پانچ سے بڑی ہے کا پیغام دینے کے لئے جمع ہوئے ہیں

اقوام متحدہ کے 72 ویں جنرل کمیٹی  اجلاس میں شرکت کے لئے ترکی کے صدر رجب طیب ایردوان اپنی اہلیہ امینہ ایردوان کے ہمراہ امریکہ کے شہر نیویارک میں ہیں جہاں انہوں نے امریکہ کے صدر ڈونلڈ ٹرمپ اور ان کی اہلیہ میلینا ٹرمپ  کی میزبانی میں دئیے گئے استقبالیے میں شرکت کی۔

استقبالیے کے بعد امریکہ میں مقیم  ترک کمیونٹی  ہاتھوں میں ترک پرچم لئے صدر ایردوان اور بیگم ایردوان کے قیام کے ہوٹل کے سامنے ان کی منتظر تھی۔

ہوٹل واپسی پر صدر ایردوان اور بیگم ایردوان  نے اپنے منتظر امریکہ میں مقیم ترک شہریوں کے ساتھ ملاقات کی، ان کے ساتھ گفتگو کی اور یادگاری تصویر اتروائی۔

ترک شہریوں میں جسٹس اینڈ ڈویلپمنٹ پارٹی کے شمالی امریکہ کے انتخابی کوآرڈینیشن مرکز کے سربراہ لیوینت علی یلدز بھی شامل تھے  جنہوں نے صدر ایردوان سے بات کرتے ہوئے کہا کہ ہم یہاں صدر ایردوان کو خوش آمدید کہنے  اور "دنیا 5 سے بڑی ہے " کا پیغام دینے کے لئے جمع ہوئے ہیں۔