انتونیو گٹرس قبرص مذاکرات میں شرکت کے لئے کرانز مونٹانا تشریف لائیں گے: میولود چاوش اولو
گٹرس اس سے قبل بھی مذاکرات میں شرکت کر چکے ہیں اور ان کی شرکت سے مذاکراتی عمل میں ایک توانائی پیدا ہوئی اور انہوں نے مذاکرات کے فریم ورک کی تشکیل کی تھی: چاوش اولو
764901
ترکی کے وزیر خارجہ میولود چاوش اولو نے کہا ہے کہ اقوام متحدہ کے سیکرٹری جنرل انتونیو گٹرس جمعرات کے روز سوٹزر لینڈ کے قصبے کرانز مونٹانا تشریف لائیں گے جہاں قبرص مذاکرات کا سلسلہ جاری ہے۔
وزیر خارجہ چاوش اولو نے کل 5 فریقی کانفرنس کے بعد جاری کردہ بیان میں کہا ہے کہ گٹرس اس سے قبل بھی مذاکرات میں شرکت کر چکے ہیں اور ان کی شرکت سے مذاکراتی عمل میں ایک توانائی پیدا ہوئی اور انہوں نے مذاکرات کے فریم ورک کی تشکیل کی تھی۔
انہوں نے مزید کہا ہے کہ مذاکرات میں پیش رفت نہایت سست رفتاری سے ہو رہی ہے۔
واضح رہے کہ سوٹزر لینڈ کے قصبے کرانز مونٹانا میں جاری قبرص مذاکرات میں فریقین نے تجاویز پیکیج پیش کر دئیے تھے تاہم اس سلسلے میں کوئی پیش رفت نہیں ہوئی تھی۔
