الباب میں حالات کی بحالی تک مقامی مکین علاقہ خالی کر دیں:ترک افواج کی اپیل
اعلامیئے میں کہا گیا کہ دہشت گردوں سے علاقے کو پاک کرنےکےلیے ہمارا مقامی آبادی سے مطالبہ ہے کہ حالات کی بحالی تک محفوظ مقامات تک چلے جائیں انشا اللہ کامیابی ہمارا مقدر ہوگی
628278
شمالی شام کو دہشت گردوں سے پاک کرنے کےلیے جاری فرات ڈھال آپریشن کے سلسلے میں ترک مسلح افواج نے الباب کی آبادی کےلیے ایک اعلامیہ جاری کیا ۔
اس اعلامیئے میں مقامی آبادی سے اپیل کی گئی ہے کہ وہ داعش جیسی شیطان صفت تنظیم کے بہکاوے میں نہ آئیں۔ آپ کی آزادی و فلاحی خدمت کےلیے شام کی آزاد حر فوج اور جمہوریہ ترکی شانہ بشانہ ہیں جو کہ آپ کی سر زمین کی حفاظت اور یہاں بحالی امن کےلیے کوشاں ہیں۔
اعلامیئے میں مزید کہا گیا کہ دہشت گردوں سے علاقے کو پاک کرنےکےلیے ہمارا آپ سے مطالبہ ہے کہ حالات کی بحالی تک محفوظ مقامات تک چلے جائیں۔ کامیابی انشااللہ ہمارا مقدر ہوگی ۔ اللہ آپ کا حامی و ناصر ہو ۔